Spraak-Taalterapie Dienste

Ons SPRAAK-TAALTERAPEUT hanteer spraak-, taal-, kommunikasie en sluk probleme in kinders en volwassenes. Die spraak-taalterapeut werk nou saam met die ouers en/of familielede/versorgers en ander professionele spanlede ten einde die beste moontlike vordering vir elke pasiënt te bewerkstellig.

Wanneer moet ek na ʼn spraak-taalterapeut/Oudioloog verwys?

Alle kommunikasie- en gehoor afwykings het die potensiaal om die kind van sy/haar sosiale en opvoedkundige omgewing te isoleer en hul akademiese vermoëns negatief te beïnvloed. Dit is dus noodsaaklik om toepaslike en vroegtydige intervensie te verskaf.

Die tipiese spraak-taal en gehoorprobleme wat deur 'n
Spraak taalterapeut/Oudioloog behandel word, behels:

Artikulasie- en Fonologiese ontwikkelings afwykings:

  • Probleme of die onvermoë om sekere klanke in isolasie en/of in woorde te kan produseer.
  • Lispel van die /s/ of die brei van die /r/.
  • Klank omruilings en – weglatings bv. kat – tat.

Taalafwykings:

  • Gebrekkige reseptiewe- en ekspressiewe taalvaardighede.
  • Reseptief – hoe ʼn individu taal verstaan.
  • Ekspressief – hoe ʼn individu taal gebruik om te kommunikeer.

Taalleerafwykings:

  • Probleme met spelling.
  • Probleme met lees.
  • Sinskonstruksies is nie ouderdomstoepaslik nie.

Hakkel:

  • Probleme met die vlotheid van spraak.
  • Herhalings van klanke, woorde, frases.
  • Invoegings van klanke.

Gehoorverlies:

  • Vra gereeld vir herhalings.
  • Probleme met die bewustheid van klanke.
  • Gereelde oorontsteking.
  • Reageer onkonstant op klank.

Stemafwykings:

  • Nasale spraak.
  • Hees stem.
  • Te hoë/ te lae toonhoogte.
  • Stem misbruik en – wangebruik.

Sentrale ouditiewe prosesserings afwykings:

  • Probleme met die interpretasie van dit wat gehoor word, maar het normale gehoor.
  • Vra voortdurend vir herhalings in die klas.
  • Ouditiewe analise, -sintese, – geheue en opeenvolging is afwykend.

Neurologiese afwykings:

  • Word deur ʼn neuroloog gediagnoseer bv. Outisme, serebrale gestremdheid of enige ander tipe breinbesering.

Vroeë kommunikasie Intervensie:

  • Vroeë taalstimulasie vir babas en kleuters 0 tot 4 jaar.
  • Hulp aan daardie nuwe ouers om effektiewe stimulasie aan hulle baba te verskaf.
  • Daar moet vir u rooi ligte wees, indien u kleinding teen 2jaar nog nie woordjies gebruik om te kommunikeer nie.

Hoe werk die proses?
  • Kontak die praktyk om ‘n eerste afspraak te skeduleer.
  • Na die 60 minute evaluasie en terugvoer sessie word die terapieplan bespreek.
  • Kinders word individueel by die praktyk of by die skool (waar moontlik) gesien vir hul weeklikse terapie sessies.
  • Volwasse pasiënte word by die praktyk gesien vir terapie, tensy dit ‘n hospitaal verwysing is.
  • Terapie sessie beloop 30 minute.
  • Interaktiewe benadering word gevolg d.m.v. kontak met die ouers/familie sowel as onderwysers by kinders en werkgewers by volwassenes.
Kontak die terapeut